មាន់ ដុតចំបើង ខែកញ្ញា 8, 2008
Posted by ដើមត្នោត មួយ in Uncategorized.8 comments
- មាន់ស្រែ → ១ ក្បាល (ទំងន់ ១ គីឡូក្រាម)
- ជីវ៉ាន់ស៊ុយ → ៥ ដើម
- អំបិលម៉ត់ → ១ ស្លាបព្រាកាហ្វ
- គល់ស្លឹកគ្រៃដំបំបែក → ៤ គល់
- ខ្ទឹមស → ៥ កំពិស
- ម្រេចគ្រាប់ → ១០គ្រាប់
- ទឹកត្រី
វិធីចំអិន
- បុកល្អិតច្របល់ មើមខ្ទឹម, ឬសជីវ៉ាន់ស៊ុយ, ម្រេច, អំបិល ទុកប្រើប្រាស់ជាគ្រឿង
- លាងស្អាត មាន់, យកចេញ គ្រឿងក្នុង
- ប្រឡាក់គ្រឿង មាន់ ជាមួយគ្រឿង ដែលបានបុកហើយ
- លាយជាមួយទឹកត្រីអោយសព្វទាំងក្នុងទាំងក្រៅ
- ឆ្មូលញ៉ុកគល់ស្លឹកគ្រៃ ទៅក្នុងខ្លួនមាន់
- ដេរភ្ជិត គូថមាន់
- ដោតមាន់ នៅចុងឈើម្ខាង, ចុងឈើម្ខាងទៀត ដោតទៅដី
- ដាក់ចានគោម លើដី នៅចំពីក្រោមមាន់
- គ្របពីលើមាន់ ដោយសំបកប៉ោត
- គរចំបើងលើសំបកប៉ោត អោយលិចកប់ប៉ោត
- ដុតឆេះទ្រលោម ចំបើង ដែលបានគ្របលិចប៉ោត
- ដុត ពី ១៥ ទៅ ២០នាទី
- លើកចេញ សំបកប៉ោត
- ដាក់មាន់ឆ្អិនផុយ ទៅលើចានគោម សំរាប់ញ៉ាំ តាមឆ្ងាញ់
ដំណកស្រង់ ពី៖ http://www.usofttechnology.com.kh/cookfood/showfood.aspx?id=103
បង្គាស្ងោរ ចៀនលាយស្អំ និងស៊ុត ខែកញ្ញា 8, 2008
Posted by ដើមត្នោត មួយ in Uncategorized.1 comment so far
គ្រឿងផ្សំ
- បង្គាស្ងោរ → ១០ ក្បាល
- ត្រួយស្លឹកស្អំ → ១ ចាន
- ស៊ុតមាន់ → ១ គ្រាប់
- កាពិដុត → ២ ស្លាបព្រា
- ខ្ទឹមស → ១២ កំពឹស
- បង្គាស្ងួត (ម៉ត់) → ១ ស្លាបព្រា
- ទឹកត្រី → ១/២ ស្លាបព្រា
- ស្ករ → ១ ស្លាបព្រា
- ទឹកក្រូចឆ្មារ → ២ ស្លាបព្រា
- ម្ទេសខ្មាំង → ១២ គ្រាប់
- ម្សៅស៊ុបខ្នរ → ១ ស្លាបព្រាកាហ្វេ
- ប្រេងឆា
វិធីចំអិន
- បក សំបកបង្គាស្ងោរ កាត់ចេញ ក្បាល និង កន្ទុយបង្គា
- គោះពងមាន់ ដាក់ចាន កូរវឹកជាមួយស្អំ
- ចាក់ប្រេងដាក់ខ្ទះ លើចង្ក្រាន ទុកអោយក្ដៅខ្លាំង
- ដាក់ពុម្ព (បើមាន) ចាក់ចូលពុម្ភ ស្លឹកស្អំលាយពងមាន់
- បន្ថែម ៥ បង្គា លើផ្ទៃ នៃមួយដុំ (១០ បង្គា សំរាប់ ២ ដុំ)
- បុកម៉ត់ច្របល់ កាពិ, ខ្ទឹមស, ម្ទេសខ្មាំង
- កូរច្របល់ បង្គាស្ងួត, ទឹកត្រី, ស្ករ, ទឹកក្រូចឆ្មារ, ម្សៅស៊ុបខ្នរ
- រៀបដាក់ចាន ញ៉ាំតាមតំរូវការ ៕
ដំណកស្រង់ ពី ទំព័រស្រ្តី ៖
ភ្លាមឹក ក្លាសេ ខែសីហា 22, 2008
Posted by ដើមត្នោត មួយ in មឹក.1 comment so far
គ្រឿងផ្សំ
- មឹកស្រស់ → ៥០ ក្រាម
- ប៉េងប៉ោះផ្លែតូចៗ → ២៥ ក្រាម
- ខ្ទឹមបារាំង → ១/៤ ចំណិត
- ដើមខ្ទឹម → ១ ដើម
- ខ្ញី → ២ បន្ទះ
- ខ្ទឹមស → ២ កំពឹស
- ម្ទេសទុំ → ១ ផ្លែ
គ្រឿងផ្សំរសជាតិ
- ទឹកត្រី → ១ ស្លាបព្រាកាហ្វេ
- ទឹកក្រូចឆ្មារ → ២ ស្លាបព្រាកាហ្វេ
- ម្សៅស៊ុបខ្នរ → ១ ស្លាបព្រាកាហ្វេ
វិធីចំអិន
- លាងទឹកឲ្យស្អាត មឹកស្រស់
- ហាន់ជាចំរៀកវែងៗ និង ឆូតជាកង់ៗ
- ស្ងោរឆ្អិន
- ស្រង់ចេញ
- យកទៅក្លាស្សេទឹកកក ទុកប្រើការ
- ហាន់ជាកង់ ផ្លែប៉េងប៉ោះ
- ហាន់ជាចំរៀក ខ្ទឹមបារាំង
- ចិញ្ច្រាំម៉ត់ ដើមខ្ទឹម, ខ្ញី, ខ្ទឹមស និង ម្ទេសទុំ ទុកប្រើការ
- លាយច្របល់ គ្រឿងផ្សំ និង គ្រឿងផ្សំរសជាតិ
- ដួសដាក់ក្នុងចាន ញាំ ជាការស្រេច៕
ដំណកស្រង់ ពី ទំព័រស្រ្តី ៖
ស៊ុប បង្គា ខែសីហា 17, 2008
Posted by ដើមត្នោត មួយ in បង្គា, shrimp.1 comment so far
គ្រឿងផ្សំ
- បង្កា → ៤០០ ក្រាម
- ផ្សិតចំបើង → ១៥០ ក្រាម
- ប៉េងប៉ោះទុំ → ១ ផ្លែ
គ្រឿងផ្សំបន្ថែម (១)
- ខ្ទឹមស → ១៥ ក្រាម
- ខ្ញី → ៣ បន្ទះ
- ទឹក → ៤ ចានចង្កឹះ
- ខ្ទឹមក្រហម → ២ កំពឹស
- គល់ស្លឹកគ្រៃ → ២ គល់
គ្រឿងផ្សំបន្ថែម (២)
- ម្ទេសប្លោកទុំ → ១ ផ្លែ
- ម្ទេសបូកគោ → ១ ផ្លែ
- ដើមខ្ទឹម → ១ ដើម
- ស្លឹកក្រូចសើច → ៥ សន្លឹក
គ្រឿងផ្សំរសជាតិ
- ទឹកបង្គាហឹរ → ២ ស្លាបព្រាបាយ
- ទឹកម្ទេស → ១ ស្លាបព្រាកាហ្វេ
- ទឹកក្រូចឆ្មារ → ១/៤ កែវ
- ទឹកត្រី → ១/២ កែវ
- ស្ករ → ១/២ ស្លាបព្រាបាយ
- ដុំស៊ុបខ្នរ → ១ ដុំ
វិធីចំអិន
- បកសំបក/ឆូតខ្នងបង្គា យកសរសៃចេញ
- ហាន់ប៉េងប៉ោះជាដុំៗ
- ពុះផ្សិតចំបើងជាពីរ (បើក្រពុំធំ)
- ចាក់គ្រឿងបន្ថែម(១) ក្នុងឆ្នាំង និង ស្ងោរពុះ
- ចាក់ចូលស្ងោររំងាស់ គ្រឿងផ្សំរសជាតិ
- ចាក់ចូល គ្រឿងផ្សំបន្ថែម (២) ជាការស្រេច៕
ដំណកស្រង់ ពី ទំព័រស្រ្តី ៖
សាច់ជ្រូក ក្រូចឆ្មារ ខែសីហា 17, 2008
Posted by ដើមត្នោត មួយ in សាច់ជ្រូក, pork.add a comment
*គ្រឿងផ្សំ
- សាច់ជ្រូកចំឡក (ហាន់ទទឹង) → ១ កូនចាន
- ខ្ទឹមចិញ្ច្រាំ → ១/៤ កូនចាន
- ទឹកត្រី → ៣ ស្លាបព្រាបាយ
- ទឹកក្រូចឆ្មារ → ៣ ស្លាបព្រាបាយ
- ម្ទេសចិញ្ច្រាំ → ១.៥ ស្លាបព្រាបាយ
- ស្ករស → ១ ស្លាបព្រាបាយ
- ការ៉ុតហាន់ជាសរសៃ → ១/៤ កូនចាន
- ស្ពៃក្ដោបហាន់ជាសរសៃ → ១/៤ កូនចាន
- ម្សៅស៊ុបខ្ទរ → ១ ស្លាបព្រាកាហ្វេ
*វិធីចំអិន
- ដាក់រាយជាទ្រនាប់ សរសៃការ៉ុត និង សរសៃស្ពៃក្ដោប ក្នុងចាន
- ស្រុសឆ្អិនល្មម សាច់ជ្រូក
- ដាក់ សាច់ជ្រូកឆ្អិនល្មមនោះ ក្នុងចាន ដែលមានសរសៃការ៉ុត និង សរសៃស្ពៃក្ដោប ជាទ្រនាប់
- កូរចូលគ្នា ខ្ទឹមស ទឹកត្រី ស្ករស ទឹកក្រូចឆ្មារ ម្ទេស និង ម្សៅស៊ុបខ្នរ ដើម្បីធ្វើជាទឹកញាំ។
- ចាក់ស្រោច ទឹកញាំ លើសាច់ជ្រូក ដែលបានរៀបចំទុក
- ញ៉ាំបានភ្លាម ដោយឆ្ងាញ់ពិសា៕
ដំណកស្រង់ ពី ទំព័រស្រ្តី ៖
ត្រីបំពងស្រួយ ឆាជាមួយទឹកជ្រលក់ ខែសីហា 16, 2008
Posted by ដើមត្នោត មួយ in ត្រី, fish.1 comment so far
.
គ្រឿងផ្សំ
- ហាត់ជាកង់ ត្រីរ៉ស់ → ៣០០ ក្រាម
- ទឹកជ្រលក់ → ២ ស្លាបព្រាបាយ
- ទឹកត្រី → ២ ស្លាបព្រាបាយ
- ស្ករត្នោត → ១ ស្លាបព្រាបាយ
- ប្រេងរុក្ខជាតិ សំរាប់ឆា → ២០ ក្រាម
- ទឹកធម្មតា → ២ ស្លាបព្រាបាយ
- ម្សៅស៊ុបខ្នរ → ១ ស្លាបព្រាបាយ
- ខ្ទឹមក្រហមបំពង សំរាប់រោយពីលើ
គ្រឿងផ្សំទឹកជ្រលក់
- ម្ទេសក្រៀមផ្លែធំ → ៣-៤ ផ្លែ
- ខ្ទឹមក្រហមហាន់ → ៦០ ក្រាម
- ខ្ទឹមស → ៣០ ក្រោម
- កាពិ → ១ ស្លាបព្រាបាយ
វិធីចំអិន
- បំពង ម្ទេសក្រៀម អោយឈ្ងុយ
- ហាន់ខ្ទឹមក្រហម ដាក់បំពងក្នុងប្រេងអោយលឿង
- ដួសទុកខ្ទឹមក្រហមបំពង អោយស្រកប្រេង
- បំពងខ្ទឹមសចិញ្ច្រាំ ក្នុងប្រេងអោយលឿង
- ដួសទុក ខ្ទឹមសបំពង អោយស្រកប្រេង
- បុកម៉ត់ ម្ទេសក្រៀមបំពង
- បុកច្របល់ទាល់តែម៉ត់ ម្ទេសក្រៀមបំពង ខ្ទឹមក្រហមបំពង ខ្ទឹមសបំពង និង កាពិ
- លាងទឹកត្រីរ៉ស់ អោយស្អាត
- ទុកត្រីរ៉ស់ស្រកទឹក
- ដាក់ចៀនត្រីរ៉ស់ អោយលឿងស្រួយ ក្នុងប្រេងក្ដៅ
- ដួសដាក់ចាន
- ដាក់ប្រេងក្នុងខ្ទះ កំដៅ លើចង្ក្រាន អោយក្តៅ
- ដាក់ទឹកជ្រលក់ ក្នុងខ្ទះ ឆាអោយឈ្ងុយ
- ចាក់ទឹកធម្មតា ចូលបន្តិច
- ដាក់ច្របល់ ស្ករត្នោត ទឹកត្រី និងម្សៅស៊ុបខ្នរ និង ភ្លក់សាក
- ដាក់ឆាបញ្ចូលគ្នា ត្រីរ៉ស់ចៀន
- ដួសដាក់ចាន
- រោយខ្ទឹមក្រហមបំពង ពីលើត្រីរ៉ស់
កំណត់សំគាល់
អាចប្រើប្រាស់ ត្រីអណ្ដែង ឬ សាច់ជ្រូក ជំនួសត្រីរ៉ស់។ បើចូលចិត្តញ៉ាំបន្លែ, អាចដាក់តិចតួច សណ្ដែកកួរ ឬ ខាត់ណា តាមចិត្តចង់៕
ដំណកស្រង់ ពី ទំព័រស្រ្តី ៖
ជ្រក់ ខ្ទឹមស ខែសីហា 16, 2008
Posted by ដើមត្នោត មួយ in ខ្ទឹមស, garlic.2 comments
គ្រឿងផ្សំ
- ខ្ទឹមស (មើមតូចល្មម)
- ស្ករស
- ទឹកដាំពុះ
- ទឹកខ្មេះ
- អំបិល
វិធីផ្សំ
- លាងស្អាត កាត់ឫស តំរឹម ខ្ទឹមស
- ទុកអោយខ្ទឹមស ស្រកទឹក
- ដាក់រៀបខ្ទឹម ក្នុងកែវ ឬ ក្រឡ
- ដាំពុះ ទឹក (១០លីត្រ) ក្នុងនោះ លាយអោយសព្វ ស្ករស (៣ គីឡូ), អំបិល (១ គីឡូ)
- ទុកទឹក អោយនៅក្តៅអ៊ុនៗ
- ចាក់ទឹក ទៅក្នុងកែវ ឬ ក្រឡដី
- គ្របជិត ដើម្បីខ្ទឹមស ងំបានល្អ
រក្សាទុក
- រក្សាទុកកែវ ឬ ក្រឡ មានខ្ទឹមស នៅកន្លែង មិនក្តៅពេក មិនត្រជាក់ពេក
- គ្របជិត ទុក ២ ទៅ ៣ ខែ ទើបអាចញ៉ាំបាន
- ប្រើប្រាស់ស្លាបព្រាស្អាត ដើម្បីដួសខ្ទឹមស ញ៉ាំ
ដំណកស្រង់ ពី ពត៌មានសហគម៖
ទឹកប្រហុក អន្លក់ខ្ចី ខែសីហា 16, 2008
Posted by ដើមត្នោត មួយ in ប្រហុក, Prahok.add a comment
.
គ្រឿងផ្សំ
- ត្រីងៀតអាំង → ២-៣ ដុំ
- ម្ទេសក្រៀមម៉ត់ → ១/២ ស្លាបព្រាបាយ
- ខ្លាញ់ជ្រូក (ដុំតូចៗ) → កន្លះចានចង្កឹះ
- ទឹកក្រូចឆ្មារ → ២ ស្លាបព្រាបាយ
- ប្រហុក → ៥០ ក្រាម ឬ កន្លះខាំ
- ម្សៅស៊ុបរ៉តឌី → បន្តិចបន្តួច
- អំបិលម៉ត់ → ២ ស្លាបព្រាកាហ្វេ
- ត្រីចៀន (ត្រីអ្វីក៏បាន តាមចិត្តចង់) → ១-២ ក្បាល
- បន្លែផ្សេងៗ តាមចិត្តចង់ (ត្រសក់ ត្រកួន សណ្ដែកគួរ កញ្ឆែត ប្រពាយ ត្រប់វែង ត្រប់ស្រួយ ទំពាំងស្ងោរ…)។
វិធីចំអិន
- ដាក់ប្រហុកក្នុងឆ្នាំង មានទឹក
- រំងាស់រលួយ ប្រហុក សល់តែឆ្អឹង
- ដួសចេញ ទឹកប្រហុក ១ ចានចង្កឹះ
- លីងស្រួយ ម្ទេសក្រៀម
- បុកម៉ត់ ម្ទេសក្រៀម
- អាំងឆ្អិន ត្រីងៀត
- បេះយក សាច់ត្រីងៀត ខ្ទង់កន្លះចានចង្កឹះ
- បុកម៉ត់ សាច់ត្រីងៀត
- ចំហៀវ ខ្លាញ់ជ្រូក
- ស្រង់ហាន់តូចៗ កាកខ្លាញ់ជ្រូក (ចំណុះខ្លាញ់) ខ្ទង់កន្លះចានចង្កឹះ
- ផ្សំរួមគ្នា ទឹកប្រហុក ម្ទេសម៉ត់ សាច់ត្រីងៀតម៉ត់ ទឹកក្រូចឆ្មារ និង ចំណុះខ្លាញ់
- កូរអោយសព្វ
- ដាក់បន្តិច ម្សៅស៊ុបរ៉តឌី
- ភ្លក់ រសជាតិ សាបប្រៃ ថែមថយអំបិលម៉ត់
- ញ៉ាំ ជាមួយបន្លែ និង ត្រីចៀន តាមចិត្តចង់
ដំណកស្រង់ ពី ទំព័រស្រ្តី ៖
ស៊ុបគោ ក្ដៅ ខែសីហា 16, 2008
Posted by ដើមត្នោត មួយ in សាច់គោ, beef, Uncategorized.add a comment
.
គ្រឿងផ្សំ
- សាច់គោ (សាច់ត្រយូងចេក) → ៤៥០ ក្រាម
- ទឹក → ៦ កែវ
- ម្ទេសទុំ → ១ផ្លែ
- ខ្ញី → ៦ បន្ទះ
- ស្រា → មួយស្លាបព្រាបាយ
គ្រឿងផ្សំ រសជាតិ
- ម្រេចម៉ត់ → ១ ចុងស្លាបព្រាកាហ្វេ
- ខ្ទឹមបារាំង ហាន់ម៉ត់ → ១ស្លាបព្រាបាយ
- អំបិល → ១ ស្លាបព្រាកាហ្វេកន្លះ
- ដុំស៊ុបខ្នរ → ១ដុំ
- ជីរ នាងវង (ហាន់ហើយ) → ២ស្លាបព្រាបាយ
វិធី ចំអិន
- ហាន់ជាបន្ទះក្រាស់ សាច់គោ
- ចាក់គ្រឿងផ្សំទាំងអស់ ទៅក្នុងឆ្នាំង
- ស្ងោរ ទាល់តែទឹកពុះ
- បន្ថយភ្លើងបន្តិច
- រំងាស់ ពី ១ ម៉ោងទៅ ១ ម៉ោងកន្លះ
- ពន្លត់ភ្លើង
- ចាក់ចូល គ្រឿងផ្សំរសជាតិ ជាការស្រេច៕
ដំណកស្រង់ ពី ទំព័រស្រ្តី ៖
អាម៉ុក ខែសីហា 16, 2008
Posted by ដើមត្នោត មួយ in ត្រី, fish.add a comment
.
គ្រឿងផ្សំ ៖
- ត្រីរ៉ស់
- ស្លឹកគ្រៃ
- រមៀត
- ខ្ទឹមស
- ម្ទេសក្រៀម
- អំបិល
- ទឹកត្រី
- ស្លឹកក្រូចសើច ឬសំបកផ្លែក្រូច
- ស្លឹកញ
- ដូងទុំ
- ប្រហុកសាច់។
វិធី ចំអិន ៖
- ពន្លះត្រី យកឆ្អឹងចេញ
- ហាន់ត្រី ជាបន្ទះស្ដើង
- បុកច្របល់ម៉ត់ ស្លឹកគ្រៃ រមៀត ខ្ទឹមស ម្ទេសក្រៀម និងអំបិល
- បារវា ដាក់ ក្នុងចានមានសាច់ត្រី
- ពូតដូងយកក្បាលខ្ទិះ
- ចាក់ខ្ទិះដូង លើត្រី
- ចិញ្ច្រាំអោយល្អិត ប្រហុកបន្តិច លាយជាមួយគ្នា
- ចាក់ទឹកត្រីបន្តិច
- កូរវឹកដោយវែក ទាល់តែបែកសាច់ត្រី និងទឹកខ្ទិះ ខាប់រលាយសាច់មួយ
- កាត់ស្លឹកញ ជាកំណាត់ខ្លី សំរាប់ទ្រាប់បាត លើស្លឹកចេក
- ដួសចាក់លើ ស្លឹកញ ហើយខ្ចប់ឲ្យជិត សាច់ត្រី ដែលបានកូរនឹងទឹកខ្ទិះ
- ប្រើប្រាស់ធាងដូង ជាកន្លះខ្ទាស់អោយជាប់
- ដាក់ចំហុយចំអិន វា ក្នុងឡាំងស៊ឹង ជាការស្រេច៕
ដំណកស្រង់ ពី ទំព័រស្រ្តី ៖